再现“城寨精神”!tvb视帝视后拍住上演“史密斯夫妇”!打得又睇得!
接档“死城群英会”
由城寨英雄原创班底再度合作
被称为“城寨英雄时装版”
同 盟
同观众仔再续“城寨精神”
城寨嘅老fans已表示按捺不住喇
从今个星期开始
晚晚9:30~10:30
要“坐定定”守喺翡翠台噜
哇!哇!哇!
D枪战D肉搏D爆炸
久违嘅大场面
怪唔知得“未出街”
唔少香港街坊就话
担定凳仔“等煲剧”啦
自从四小花旦小生纷纷出走
tvb剧集“好耐冇”大制作嘅场面睇啦
之前有一排都係睇家庭爱情剧
啲低成本制作
今次终于实力回归“港剧经典”
时装警匪片
先前陈展鹏、胡定欣
凭借“城寨英雄”横扫
万千星辉颁奖典礼2016
六大奖项唔单止
包办晒香港、马来西亚、新加坡所有
最佳男主角、最佳女主角
一个“视帝”,一个“视后”
再度牵手共同抗敌
默契十足,幽默搞笑
仲要係“浴室整蛊”大打出手
有冇睇到胡定欣喺煎pang身上“360°旋转”
绝对冇吊威也冇用替身
当时定欣拍呢场戏个阵
落地跣脚,“啪“一声
吓到全场面都青晒
好彩送院话净係扭亲喈
为咗可以呈现出更加逼真嘅打斗场面
监制文伟鸿专门为演员开设专业拳击课程
MMA、以色列搏击、巴西柔术
连鲍起静都要“滚软垫学扎枪”
完全睇唔出“快70岁”
提起文伟鸿可能都唔知
佢係使徒行者、城寨英雄
tvb指定“御用金牌监制”
部部都“大嗌叫座”
文伟鸿最钟意“卧底人设”
记唔记得使徒行者大结局
估“幕后大boss”身份
爆seed、钉姐、欢喜哥、卓sir
究竟边个先係黑警
哩个话题一时掀起“全城热议”
今次同盟同样冇放过哩条“暗线”
又一出Big Boss情谜警匪剧
剧情跌宕出乎你预料
正邪难辨吊足你胃口
据监制自己透露话
幕后大boss一角喺有相当戏份的“大卡司”
仲大打包票话黑手“一定唔喺陈山聪”
睇到监制同演员咁落力
剧本走势又终于上翻正轨
终于有翻“追煲港剧上瘾嘅feel”喇
冧翻tvb时装警匪剧集
90后最早嘅记忆应该就係陀枪师姐
记得小学嘅安徽卫视
一放暑假寒假就疯狂重播
朱素娥、程三元、程峰、陈小生
哩4个主角名就咁萦绕成个假期
直到开学都未睇到大结局
千禧年后最经典嘅
非法证先锋系列莫属
啲杀人犯嘅手段真係残忍血腥又变态
睇到后尾枕发凉
就算惊到夜晚训唔着
第二晚都会继续追落去
好似法证先锋哩种
靠高科技高智商嚟破案嘅剧集
每一帧都追求细节
翻煲几次依然可以被剧情带入去
近几年嘅tvb好难再拍得出
转而可能係稍微烧脑跌宕剧情
吊住观众胃口嘅预告
穿插啲亲情戏爱情线
失惊冇神出现搞笑臭串嘅笑点担当
好似飞虎、雷霆扫毒、潜行狙击、使徒行者
可以话当时警匪片热潮一浪接一浪
而宜家
离使徒行者2014年已经过去3年
好多睇完同盟第一二集嘅朋友都话
对时装警匪片一直抱有期待
今次终于可以重温翻以前上瘾煲剧嘅feel
感叹港剧嘅独特味道真係戒唔甩
终于唔洗晚晚打王者消磨时间
以后可以揽住翡翠台做条咸鱼啦
责任编辑: